Arsenal ayaa caawa marti u ah Sporting Lisbon lugta hore ee wareegga 16ka Europa League iyadoo ciyaarta xigtana ay usbuuca dambe ku kala bixi doonaan Emirates Stadium.
Gunners oo afar guulood oo isku xiga kasoo hoysay horyaalka Premier League tan iyo markii ay tubta guusha kusoo laabatay ayaa waxay rajaynaysaa in ay ciyaar adag oo dagaal ah kala kulmi doonto Sporting Lisbon, laakiin ay ugu dambaynta guusha heli doonaan.
Mikel Arteta ayaa ka fiirsan doona inuu isbeddelo ku sameeyo shaxdiisa oo uu kusoo bilaabo xiddigihii nastay ee Tierney, Nketiah iyo Trossard, laakiin Gabriel Jesus oo taam noqday ayaan halis lagu gelin doonin ciyaartan.
Takehiro Tomiyasu oo saluug badan laaga muujinayo qaab-ciyaareedkiisa, ayaa isagana go’aan laga gaadhi doonaa, balse Fabio Vieira ayaa khadka dhexe kusoo bilaaban doona.