Nin hubeysan ayaa ku dhawaad 12 saacadood ku dhuumaaleysanayay duurka ka hor inta aanu Donald Trump usoo bixin in uu ciyaaro ciyaarta Golf ah oo aan la qorsheynin xilli uu ku sugnaa beerta lagu ciyaaro ee uu leeyahay.
Waxay mas’uuliyiintu sheegeen inuu u muuqdo isku daygii labaad ee lagu dili lahaa madaxweynihii hore dhowr bilood gudahood.
Cimiladu waxay ahayd kulayl iyo daruuro galabnimadii Axadda markii Trump iyo saaxiibkiis Steve Witkoff, ay yimaadeen Trump International Golf Club ee ee ku taalla West Palm Beach.
Madaxweynihii hore wuxuu ku sugnaa wadada shanaad ee carwada saacadu markay ahayd 13:31 aag ku dhagan wadooyinka mashquulka badan ee u dhow garoonka caalamiga ah ee Palm Beach, markii xubin ka mid ah difaaciisa uu arkay qori lasoo taagay.
Trump oo durbadiiba lalasoo cararay isaga oo aan waxba la yeelin ayaa ka sheekeeyay habeenimadii Isniinta in uu maqlay “malaha afar ama shan” xabbadood oo ka dhacaya meel fog.