Real Madrid ayaa waayi doonta adeega David Alaba, Ferland Mendy iyo Karim Benzema kulanka maanta ee horyaalka La Liga ee Espanyol.
Alaba iyo Mendy ayaa weli ku maqan dhaawac muruqa ah, halka Benzema uu dhaawac ka soo gaadhay canqowga.
Si kastaba ha ahaatee, tababaraha Los Blancos Carlo Ancelotti ayaa shaaca ka qaaday shirkiisa jaraa’id ee ka hor kulanka in Mendy iyo Benzema ay labadoodaba diyaar u noqon doonaan kulanka arbacada ee lugta labaad ee wareega 16ka Champions League ee Liverpool.
“Waxa uu dhaawac ka soo gaadhay canqowga, wuu bararay, ma ciyaari karo barri, maantana si gaar ah ayuu u tababartay, waxa uu diyaar u noqon doonaa kulanka Arbacada ee Liverpool”ayuu Ancelotti yidhi markii wax laga waydiiyay xaalada Benzema.
“Ferland Mendy waa uu soo kabsaday, waxa uu la tababari doonaa kooxda Axada, waxa uuna diyaar u noqon doonaa kulanka Liverpool”