Ruugcaddaaga kooxda Bayern Munich ee Thomas Muller ayaa kala doortay kooxaha Real Madrid iyo Manchester City kahor kulankooda lugta labaad ee afar dhammaadka Champions League ee Arbacada.
Labada kooxood ayaa lugtii hore barbardhac 1-1 ah isku mari waayay waxayna gudaha toddobaadkan ku kala calafqaadi doonaan Etihad Stadium iyadoo la ogaanayo midooda Finalka tagaysa.
Muller ayay kooxdiisa Bayern Munich wareegii hore ee siddeed dhammaadka kusoo reebtay Manchester City oo 4-1 kaga adkaatay isku geynta labadii ciyaarood.
Haatan Thomas oo la weydiiyay dhinaca uu yahay kulankaas Arbacada ayaa sheegay inuu Real Madrid la jiro sababtuna tahay saaxiibkiisii hore ee Bayern ee David Alaba oo uu taageerayo.
Heerka shaqsiyeed sidoo kale sababtoo ah Alaba, waxaan badi la jiraa Real. Dhinaca kubadda marka laga eego labada kooxoodba waxaan u arkaa kuwo cajiib ah, sida ay kulanka u qaabeeyaan”.
Arrinta cajiibka ah ayaa ah in Muller uusan xusin saaxiibkiisii hore ee Bayern iyo xulka Germany-ba ee Toni Kroos oo qudhiisu mudo dheer laf-dhabar usoo ahaa Los Blancos.