Weerar cirka ah oo ay Israa’iil ku qaadday caasimadda Suuriya ee Dimishiq ayaa sababay in hal askari oo Suuriyaan ah uu ka soo gaadho “dhaawacyo halis ah, waxaana uu geystay khasaare nafeed”, wakaaladda wararka ee dawladda ee SANA ayaa sheegtay.
Difaaca cirka ee Suuriya ayaa gantaallo la dhacay Israa’iil oo 1:05 subaxnimo (22:05 GMT) subaxnimadii Arbacada laga soo tuuray buuraha Golan Heights “waxayna soo rideen qaar ka mid ah”, sida laga soo xigtay ilo militari oo ay soo xigatay SANA.
“Cadowga Israa’iil ayaa qaaday weerar cirka ah oo ay uga soo qaadeen dhanka buuraha Golan Heights ee la haysto iyaga oo beegsaday dhowr goobood oo koonfur-galbeed ka xiga Dimishiq,” SANA ayaa sheegtay.
Ilaha militariga ma aysan bixin faahfaahin ku saabsan bartilmaameedyada weerarka, iyagoo sheegay oo kaliya in weerarka “si xun loogu dhaawacay” askari isla markaana uu geystay khasaare nafeed.
Kormeeraha xuquuqda bini’aadanka Suuriya ee fadhigiisu yahay Boqortooyada Ingiriiska, kormeere ku tiirsan shabakad ballaaran oo ilo ku sugan gudaha Suuriya, ayaa sheegay in weerarka gantaallada Israel lala beegsaday “bakhaar hub ah oo ay leeyihiin dagaalyahanno taageersan Iran, oo uu dab ka kacay” .
Laba iyo tobankii bilood ee la soo dhaafay, weerarrada Israa’iil ee Suuriya waxaa ku dhintay ugu yaraan 44 qof, in ka badan 50 kalena way ku dhaawacmeen.