Khadka dhexe ee kooxda Real Madrid ee Federico Valverde ayaa la sheegaya inuu ku dagaalamay kulankii xalay dhex maray Villarreal oo marti u ahayd.
Madrid ayaa guuldarro 3-2 ah kala kulantay Villarreal oo kusoo booqatay Santiago Bernabeu iyagoo hal gacan Barcelona u galiyay hanashada horyaalka oo 15 dhibcood hoggaankiisa lagaga qaban karo habeen dambne.
Sida lagu sheegay il-wareedka ESPN, Valverde ayaa kaddib dhammaadkii kulankii xalay weeraray 21 sano jirka Villarreal ee Alex Baena.
Baena ayaa la sheegay inuu aflagaado u gaystay qoyska Valverde gaar ahaan ilmaha ay xaaskiisu caloosha ugu sido haatan.
Oy sababtoo ah ilmahaagu ma dhalan doono” ayuu Baena kulankaas hore ee Copa Del Rey ku yidhi Valverde isagoo tixraacayay cabsi ah Federico iyo xaaskiisu ka qabeen caafimaadka ilmaha caloosha ugu jira.
Valverde ayuu wargeyska Marca ciyaarta kaddib sheegay inuu u sheegay inuu markale isla sidii u caayay Baena kulankii xalay kaddibna uu cadhadii falceliyay.
Valverde ayaa xarunta baabuurta ee Santiago Bernabeu ku sugay Alex Baena isagoo halkaas ku weeraray lana sheegayo inuu feedh daanka wax kaga yeelay.
Baena ayaa kulanka kaddib barihiisa bulshada ku sheegay inuu ku faraxsan yahay guusha ay Bernabeu kusoo gaadheen balse sidoo kale ka niyad jabsan yahay sidii loola dhaqmay ciyaarta kaddib.
ESPN ayaa daboolka ka qaaday in Villarreal la xidhiidhay booliska isla markaana uu Baena gaadhi doono go’aanka ah haddii uu dacdaw gudbinayo.