๐ฆ๐๐ฐ๐๐๐ฑ๐ถ ๐๐ฎ๐ฟ๐ฎ๐ฏ๐ถ๐๐ฎ ๐ผ๐ผ ๐ฆ๐ผ๐ผ ๐๐ณ๐ท๐ฎ๐ฟ๐๐ฎ๐ ๐ต๐ฒ๐๐ต๐ถ๐ถ๐ ๐ฑ๐ฌ-๐ฆ๐ฎ๐ป๐ผ ๐ฎ๐ต ๐ผ๐ผ ๐ฎ๐ ๐ธ๐๐น๐ฎ ๐ท๐ถ๐ฟ๐ฒ๐ฒ๐ป ๐ ๐ฎ๐ฟ๐ฎ๐๐ธ๐ฎ๐ป๐ธ๐ฎ.
Sucuudiga ayaa soo gaba gabeeyey heshiiskii petrodollar oo mudo 50-sanno ah uu kula jirtay Maraykanka, waxa uuna go’aansaday in aan la cusbooneysiinin heshiiskan gaarka ah.
Wixii hadda ka dambeeya, Sucuudigu waxay ku iibin doontaa saliidda lacagaha kala duwan ee caalamka, oo ay ka mid yihiin RMB Shiinaha, Yuuro, Yen, iyo Yuan, iyo doolarka Maraykankaba.
Tallaabadan istiraatiijiyadeed waxay calaamad u tahay isbeddel weyn oo laga yaabo in uu saameeyo suuqyada caalamiga ah ee maaliyadda iyo tamarta.
๐ ๐๐ ๐๐ ๐ฌ๐ฎ๐ต๐ฎ๐ ๐๐ฒ๐๐ต๐ถ๐ถ๐๐ธ๐ฎ ๐ฃ๐ฒ๐๐ฟ๐ผ๐ฑ๐ผ๐น๐น๐ฎ๐ฟ?
Heshiiska petrodollar waa heshiis dhaqaale oo muhiim ah oo dhexmaray Sucuudiga iyo Maraykanka sannadkii 1970-meeyadii. Heshiiskan wuxuu dhigayay in Sucuudigu ku iibiyo saliidda uu soo saaro lacagta doolarka Maraykanka oo kaliya, halkii ay ka isticmaali lahayd lacagaha kale ee caalamiga ah.
Sidoo kale heshiiska petrodollar waxaa ka mid ahaa in Sacudi Carabiya faa’iidooyinka ay ka hesho iibinka saliidda ay ku keydsato bangiyada Maraykanka iyo inay sidoo kale ku maalgashato hantida Maraykanka. Tani waxay ahayd arrin muhiim ah oo Maraykanku faa’iido wayn ku qabay.
Waxay ka faa’iideysan jirtay kaydinta doolarka ee Sacudi Carabiya iyada oo kor u qaadaysay dalabka doolarka, taasoo keentay in doolarku noqdo lacagta ugu muhiimsan ee caalamiga.
Waxaa sidoo kale kordhay maalgelinta tooska ah ee dhaqaale Maraykanka, taasoo ka caawisay in uu xoogaysato dhaqaalaha iyo suuqa maaliyadda ee Maraykanka.
Nidaamkan ayaa sidoo kale ka caawiyay Maraykanka in uu sii xajisto doorkiisa hoggaamineed ee dhaqaale ee caalamka, iyadoo doolarka Mareykanku uu ahaa lacagta ugu muhiimsan ee ganacsiga iyo kaydinta caalamiga ah.