Tababaraha kooxda Bayer Leverkusen ahna halyeeygii hore ee Real Madrid ee Xabi Alonso ayaa ka hadlay da’yarka khadka dhexe ee kooxdiisa Florian Writz kaas oo lala xidhiidhinayo Barcelona.
Xiddiga heer caalami ee ree Germany ayaa dhawaanahan lala xidhiidhiyay Barca xilli macalin Xavi Hernandez markale doonayo inuu khadka dhexe kasoo xoojiyo safkiisa xagaaga.
Alonso ayaa Writz tayadiisa farsamo la barbardhigay mida Lionel Messi oo hore Barcelona ugu soo ciyaaray isagoo sheegay inuu markasta dhaqaaqa ugu wanaagsan sameeyo.
“Waxa jira ciyaartoy wanaagsan kaddib waxa jira ciyaartoy qurux badan kuwaas oo sameeya waxyaabo cajiib ah balse aan muhiim ahayn” ayuu yidhi Alonso.
Maxay tahay sababta uu Messi sidaas oo dhan ugu fiican yahay? sababtoo ah wuxuu garanayaa sida iyo marka baasas sahlan la dhiibo, Messi wuxuu yidhaahdaa ‘Ma joogtaa boos wanaagsan? halkan ku hoo kubadda. Markasta maaha inaad samayso dhaqaaqa ugu caqli badnaanta badan balse waa inaad samayso dhaqaaqa ugu fiican ee ugu wanaagsan”
“Florian sidaas wuu samayn karaa, waa midaas sababta uu aadka ugu fiican yahay” ayuu yidhi Xabi Alonso oo xaalad fiican kula jira Leverkusen.