Boqolaal kun oo qof ayaa isugu soo baxay magaalooyinka Israa’iil todobaadkii 10-aad oo xidhiidh ah, kuwaas oo ka soo horjeeda qorshaha ra’iisul wasaare Benjamin Netanyahu ee xukuumadda midigta fog ee lagu xakameynayo awoodaha Maxkamadda Sare.
Qaban-qaabiyaasha ayaa sheegay in 500,000 oo qof ay ka soo qaybgaleen isu soo baxyadii udambeeyey, taasoo ka dhigaysa qaar ka mid ah “taariikhda dadkii ugu badnaa ee iskugu baxa gudaha israa’iil . warbaahinta gudaha israa’iil ayaa tirada dadka u soo baxay ku sheegtay 250,000 ilaa 300,000 oo qof.
Dibad-baxyada ayaa imaanaya iyadoo xukuumadda Netanyahu ay isku diyaarinayso inay ku sii waddo ajandaheeda sharci-dejinta toddobaadka soo socda, iyadoo iska fogaynaysa baaqyada ku aaddan in la joojiyo si loogu oggolaado gorgortanka dib-u-habaynta garsoorka ee kala qaybsan.
“Waxaan muujinayaa sababtoo ah tillaabooyinka ay dowladda cusub rabto inay qaado waxay ka dhigan tahay khatar dhab ah oo degdeg ah oo ku wajahan dimuqraadiyadda Israa’iil,” mid ka mid ah mudaaharaadayaasha, ganacsade teknolojiyadda Ran Shahor, ayaa u sheegay wakaaladda wararka ee AFP ee ku taal magaalada xeebta ah ee Tel Aviv.
Ilaa 200,000 oo Israa’iiliyiin ah ayaa isugu soo baxay Tel Aviv, halka 50,000 oo qof ay ka mudaaharaadayeen magaalada waqooyiga ku taal ee Haifa iyo 10,000 oo ka dhacay Beersheba – oo ah kii ugu weynaa ee labadaba – sida ay sheegtay warbaahinta Israa’iil.
Isku soo baxyada ayaa ku kala dareeray iyada oo aanay jirin wax dhibaato ah oo weyn, inkastoo booliisku ay xidheen saddex mudaaharaad kuwaas oo xanibay isu socodka wadada Tel Aviv.