Tababare Pep Guardiola ayaa mar horeba sii bilaabay ciyaarta dhinaca maskaxda ee uu ku waajahayo Arsenal ka hor ciyaarta koobka Community Shield ee Axadda berri, waxaana uu shaadh ka weyn u geliyey Mikel Arteta iyo ciyaartoydiisa.about:blank
Arsenal oo xilli-ciyaareedkii hore kaalinta labad ka gashay horyaalka Premier League oo ay shan dhibcood ka horreysay Manchester City oo ku wada guuleysatay Champions League, Premier League iyo FA Cup, ayaa waxa uu xilli-ciyaareedkoodu ka bilaabmayaa garoonka Wembley Stadium oo ay ku qaadi karayaan koobkoodii ugu horreeyey xilli ciyaareedka.
Si kastaba, Pepp Guardiola ayaa dagaal dhinaca maskaxda ah kala sii hormaray Arsenal, waxaana uu ku tilmaamay koox diyaarsan oo qaab fiican ku jirta, halka uu ciyaartoyda kooxdiisana indhaha ka leexiyey oo uu ku sheegay kuwo aan diyaarsanayn.
“Waynu ognahay xalaadda hadda lagu jiro. Annagu toddobaadkii labaad ayaanu dhamaysanay, iyaguna (Arsenal) iyagu waqti hore ayay sii bilaabeen diyaargarowga. Markaa kuma jirno qaab fiican marka iyaga la noo eego.” Ayuu yidhi Guardiola. Waxa uu intaa kusii dray: “Laakiin waxa aan rajaynayaa in ay maskaxdayadu naga caawin doonto in aanu guuleysano, una tartanno sidii aanu hore ugula tartami jirnay oo aanu isku dayno in aanu koobka ku guuleysano.”