Dhakhtarka cilmi-nafsiga ee Kenya ayaa faah faahin ka bixiyay natiijadii ugu horreysay ee qaar kamid ah meydadka in ka badan boqol dhibanayaal ah oo u dhintay baadari kula taliyay in ay gaajo u dhintaan si ay ula kulmaan ilaahooda.
Johansen Oduor ayaa sheegay in meydadka sagaal carruur ah oo ay da’doodu u dhaxayso 18 bilood ilaa 10 sano iyo haweeney kale la baaray Isniintii shalay.
Waxa uu sheegay in meydadkaasi ay ka muuqdaan calaamado gaajo, iyo neefta oo ku xirantay.
Intii kale ee hartay ayaa bishii hore laga soo saaray kayn loogu sameeyay xabaal wadareed, halkaas oo uu hoggaamiyahooda diinta uu kula dardaarmay dadka raacsan inay gaajo u dhintaan si ay jannada u galaan ka hor inta aanay dunidu dhammaan.
Paul Mackenzie, oo ahaa taksiile hore iyo wadaad kale ayaa lagu wadaa in galinka dambe ee maanta oo Talaado ah ay kasoo muuqdaan maxkamado kala duwan oo Kenya ah.