Kooxda kubadda cagta Bayern Munich ayaa xayiraad kusoo rogtay Sadio Mane kaddib markii uu la dagaallamay Leroy Sane oo uu wajiga ka feedhay kaddib ciyaartii Manchester City ee Salaasadii.
Bayern Munich ayaa xaqiijisay, in Sadio Mane laga saaray liiska ciyaartoyda kooxdaas oo uu ka maqnaan doono illaa inta war dambe laga soo saarayo, waxaana uu seegi doonaa ciyaarta Hoffenheim ee horyaalka Bundesliga.
Waxa kale oo Sadio Mane loogu dari doonaa ganaax lacageed iyadoo qaybo ka mid ah mushahrkiisa ay goosan doonto Bayern Munich inkasta oo aan la shaacinin tirada ama caddadka laga goyn doono.