Tababaraha kooxda Manchester City ee Erling Haaland ayaa amaan ugu qubeeyay mashiinka goolasha kooxdiisa ee Erling Haaland kaddib guushii 4-1 ka ahayd ee ay xalay kasoo gaadheen Southampton.
Sky Blues ayaa wali caydhsanaya Arsenal oo caawa Liverpool la ballansan, Haaland ayaa laba gool oo cajiib ah kasoo dhaliyay Southampton xalay.
Guardiola ayaa kaddib bandhigaas Erling la barbardhigay labada mashiin ee kubadda cagta kasoo talinayay 20kii sano ee ugu dambeeyay ee Cristiano Ronaldo iyo Lionel Messi.
Pep ayaa sheegay inaynu mudo dheer kusoo raaxaysanay awooda Ronaldo iyo Messi ee dhinaca goolasha balse Haaland uu heerkooda oo kale yahay marka ay dhinaca gool-dhalinta noqoto.
“Gool-dhaliye sarre marka ay noqoto waxaynu 20 sano lasoo noolayn Cristiano iyo Messi balse Erling waa heerkaas” ayuu yidhi Pep.
“Goolka labaad wuxuu ahaa cajiib, maaha wax fudud in kubadda loogu tago cirka oo dhulka la dhig0. Hibadiisu dhab ahaan waa mid wanaagsan, waanu u baahanahay”.
Guardiola ayaa sheegay in Haaland laba ilaa saddex xilli ciyaareed kula heer noqon karo Messi iyo Ronaldo balse is-edbin iyo nidaam oo kaliya uu mudo 20 sano ah sidooda bandhigyada wanaagsan ugu joogtayn karo.