Ugu yaraan 15 qof ayaa ku dhintay, tobaneeyo kalena waa la la’yahay ka dib markii roobab mahiigaan ah iyo dhul go’ ay ku dhufteen gobolka Natuna ee dalka Indonesia oo ku yaalla cidhifka badda Koonfurta Shiinaha.
Sawirro iyo muuqaal ay soo qaaday hay’adda qaran ee ka hortagga masiibooyinka (BNPB) ayaa muujinaya dhul go’aya oo ku sii qulqulaya dhulka kaymaha ah iyo daadinta dhoobada iyo qashinka guryaha ku yaala ee jasiiradda Serasan ee fog.
Biro ka soo baxay saqafyo go’ay iyo geedo soo dhacay ayaa sidoo kale la arkayay kuwaasi oo khasaare tiro badan gaystay .
Meesha uu ku dhacay dhul go’a iyo roobka sii socday ayaa adkeynayay dadaallada goobidda iyo samatabbixinta, ,sidoo kalena Isgaadhsiinta ayaa la jaray, ayay tiri BNPB.
Madaxa Hay’adda Raadinta iyo Samatabbixinta ee Natuna, Abdul Rahman, ayaa wakaaladda wararka ee AFP u sheegay in 15 qof la xaqiijiyey inay dhinteen, 50 kalena la la’yahay.
“Cimiladu way is beddeshaa, Weli dabayshu aad bay u dhacaysaa,Mowjadaha mawjadaha ayaa aad u sarreeya, “ayuu yidhi Junainah, oo ah afhayeenka Hay’adda Kahortagga Masiibooyinka Jasiiradaha Riau, .