Horyaalka Premier League ayaa Usbuucii 30-aad maanta la baasayaa iyadoo lagu sii dhawaanayo dhammaadka xilli ciyaareedka isla markaana ay qaabaysmayaan kaalmaha iyo sida loo kala helayaa
Khabiirka Sky Sports ee Jones Knows ayaa sidii looga bartay sameeyay saadaashiisa toddobaadlaha ah wuxuuna ku bilaabay kulanka furitaanka ee Man United soo dhawayn doonto Everton isagoo guul cidhiidh ah u rajeeyay Red Devils.
Jones ayaa Tottenham oo wali aan tababare rasmi ah magacaabin kaddib Conte u saadaaliyay natiijo kale oo naxdin ku ah hammigeeda afarta sarre isagoo qaba inay garoonkooda guuldarro kagala kulmi doonaan kooxda duulaysa ee Brighton.
Chelsea oo Frank Lampard si kumeel gaadh ah u magacawday kaddib Potter ayuu Jones u rajeeyay inuu ku furto guul uu kasoo gaadho Wolves oo ay martiyayaan.
Kooxda horyaalka difaacanaysa ee Manchester City ayuu Mr Knows qabaa inay kasoo adkaan doonto Southampton oo kaalmaha horyaalka lagaga daadago joogta.
Kulanka toddobaadka ugu xoogan oo Anfield ku dhex mari doona Liverpool oo wakhtigu ku adag yahay iyo hoggaamiyayaasha horyaalka ee Arsenal ayuu khabiirka Sky saadaaliyay natiijo barbardhac ah.
Saadaasha Jones Ee Toddobaadka 30-aad Oo Dhammaystiran
Man United 1-0 Everton
Aston Villa 2-0 Southampton
Brentford 1-1 Newcastle
Fulham 0-1 West Ham
Leicester 1-2 Bournemouth
Tottenham 1-2 Brighton
Wolves 1-3 Chelsea
Southampton 0-2 Man City
Leeds 1-1 Crystal Palace
Liverpool 2-2 Arsenal