Wararka ka imaanaya deegaanka Maraaga oo qiyaastii 7-km u jira magaalada Laascaanood ee gobolka Sool ayaa sheegaya in isku dhac dhex maray laba meleeshiyo beeleed uu gaystay khasaare isugu jira dhimasho iyo dhaawac.
Sababta keentay isku dhaca ayaa lagu sheegay in ay kooxaha dagaallamay ay isku qabsadeen gaari qori saaranyahay sida ay BBC-da u sheegeen dad deegaanka ah.
Dad ka badan afar qof oo ka tirsanaa dhinacyadii dagaallamay ayaa la sheegay in ay ku dhinteen falkaan, inkastoo wararka qaarna ay sheegayaan in tiradu intaa ka badantahay.
Ma jirto cid ka hadashay dhacdadaan faahfaahin badanna lagama hayo sida dhabta ah ee halkaas wax uga dhaceen.