13 qof oo fuulay buur uu fulkaane ka qarxay gudaha wadanka indonesia ayaa ku dhintay 10 kalena waa la la’yahay gudaha gobolka West Sumatra, sida ay saraakiishu sheegeen Talaadadii.
Waxay ku taallaa giraanta Dabka ee Baasifiga, Indonesia waxay leedahay 127 foolkaanooyin firfircoon – foolkaanooyin ka badan meel kasta oo adduunka ka mid ah – Mount Marapi ayaa ka mid ah kuwa ugu firfircoon waddanka.
Volcano-ga dhererkiisu yahay 2,891-mitir (9,500 cagood) ayaa qarxay Axaddii, isagoo tuuray dambaska foolkaanaha, wuxuuna soo diray qiiq aad u weyn oo cirka ah.
Dadaalka goobidda iyo samatabbixinta ayaa weli socda, iyadoo meydadka la soo saaray la soo dejiyay buurta, sida uu sheegay Abdul Malik, madaxa kooxaha soo kabashada ee Galbeedka Sumatra. Waxa uu mar sii horeysay u sheegay CNN in koox ka kooban 40 samatabbixiye ah ay ku sugan yihiin buurta iyadoo weli uu qaraxu dhacayo.
Saddex qof oo fuulay goobta uu fulkaanuhu ka qarxay ayaa la helay iyagoo nool, Malik oo kamid ah masuuliyiinta deegaanka ayaa saaasi sheegay .
Wadarta 75 qof, oo ay ku jiraan kuwa fuulay, ayaa ilaa hadda la daadgureeyay, kuwa dhaawacmayna waxaa loo diray isbitaal, sida lagu sheegay cusboonaysiinta la soo saaray subaxnimadii Isniinta waqtiga maxalliga ah.