Tuulo ayaa hadda ku go’doonsan haro ku taal Amazon ee Brazil iyadoo abaar ba’an ay galaafaneyso bulshooyinka la halgamaya helitaanka cunto, biyo macaan iyo shidaal.
Heerarka biyaha ee Harada Puraquequara, ee bariga Manaus, oo ah caasimadda gobolka Amazonas, ayaa sabababy khasaare ba’an oo gaadhey dadka iyo bulshada kala duwan ee halkaasi ku nool.
Waa tusaalihii ugu dambeeyay ee saameynta xun ee kulaylka iyo abaarta ee qaybtan Brazil – horaantii bishan in ka badan boqol dolphins webi ayaa ku dhintay xeebta iyadoo heerkulka biyuhu uu sare u kacay – mas’uuliyiintu waxay sheegeen in xaaladdu ay ka sii dari doonto.
Harada Puraquequara [[ biyu-kuwigwaara ]]waa qayb ka mid ah nidaamka webiga Rio Negro, kaas oo ku dhow heerkii ugu hooseeyay tan iyo dhamaadkii Sebtembar, sida ay sheegtay maamulka difaaca madaniga ah ee gobolka. “Hoos u dhaca heerarka biyaha ayaa saameyn weyn ku leh,” afhayeen u hadlay maamulka ayaa u sheegay CNN.
Qaar ka mid ah dadka deegaanka ayaa bilaabay in ay ceelal ka qodaan harada dillaacsan iyagoo isku dayaya in ay biyo gaadhaan.
“Dukaamadayagu ma laha macaamiil. Waanu go’doonsannahay, doomaha kama soo bixi karaan, mana ka bixi karaan harada,” Isaac Rodrigues oo deegaanka ah ayaa u sheegay Reuters. “Waan joognaa halkan inta aanu biyo ka helayno.
Abaar ba’an ayaa ka jirta guud ahaan gobolka. Afartan iyo laba degmo oo ka mid ah 62-ka degmo ee gobolka ayaa ku jiray xaalad degdeg ah iyadoo in ka badan 300,000 oo qof ay saameysay abaartani xoogani maamulka difaaca madaniga ayaa sidaasi u sheegay warbaahinta CNN .
Afhayeenka maamulka gbolkan ay hakleeshay abaarta ba’an ayaa sheegay in xaaladu kasii darikarto isla markaaaaana Ku dhawaad 500,000 oo qof iyo 50 degmo ayay u badan tahay inay saamayso dhawrka toddobaad ee soo socda
Dabayaaqadii Sebtembar, Guddoomiyaha Amazonas Wilson Lima ayaa ku dhawaaqay xaalad degdeg ah wuxuuna ku dhawaaqay xirmo gargaar ah, oo ay ku jirto in cunto la siiyo dadka ay sida aadka ah u saameysay abaartani.
“Waxaa jira dad badan oo horeyba dhibaato ugu qabay helitaanka cunto, haqab-beelka cuntada, biyaha la cabbo iyo agabyada kale ee muhiimka ah,” ayuu ku yiri hadal uu soo saaray xilligaas.