Maamulka Xamaas ee Qasa ayaa sheegay in duqeymaha cirka ee Israa’iil ay ku dileen ugu yaraan sagaashan falastiiniyiin ah maalin qura xerada qaxootiga ee Jabalya.
Waxaa la ogyahay in dad badan lagu dilay weerar lagu qaaday dhismo ay daganaayeen laba qoys.
Dadka deegaanka ayaa baadi goobayay dad ka badbaaday burburka hoostiisa.
Duqeymo dhanka cirka ah ayaa sidoo kale lagu qaaday bartamaha iyo koonfurta Qasa halkaasi oo inta badan dadka ku nool dhulkaas ay gabbaad ka dhigteen in ka badan laba milyan.
Ma jirto wax hadal ah oo ka soo baxay Israa’iil oo ku adkeysaneysa in ay duqeyneyso waxa ay ugu yeertay bartilmaameedyo argagixiso.
Waxa soo food saartay baaqyo isa soo taraya oo ku saabsan xabbad-joojin buuxda.
Axaddii baabuurta xamuulka qaada ee gargaarka ah ayaa markii ugu horreysay soo galay Qasa iyaga oo sii maraya Kerem Shalom oo ay ku sugan yihiin Israa’iil, laakiin hay’adaha bani’aadamnimada ayaa sheegaya in gargaar dheeraad ah loo baahan yahay.