Madaxweyne Joe Biden ayaa sheegay in uu rajaynayo in xabbad joojinta ku meel gaadhka ah ee u dhaxaysa Israa’iil iyo Xamaas ay sii socon karto ilaa inta la siidaayo la haystayaasha, ka dib markii kooxda xagjirka ahi ay sii daayeen 17 qof oo kale, oo ay ku jirto gabadh 4 jir ah oo Israa’iil-Maraykan ah.
Xamaas ayaa sheegtay in ay doonayso in ay kordhiso hakinta dagaalka, kaas oo galaya maalintiisii afraad iyo maalintii ugu dambaysay ee lagu heshiiyey ee isniinta, haddii dadaal dhab ah loo galo in la kordhiyo tirada maxaabiista Falastiiniyiinta ah ee ay Israa’iil sii deynayso.