Qaramada Midoobay ayaa sheegtay in 61 baabuur oo sida sahay caafimaad, shidaal iyo biyo ay shixnadahooda gaarsiiyeen waqooyiga Gaza Sabtidii, intii lagu guda jiray maalintii labaad ee xabbad joojinta.
Xafiiska Hay’adda Gargaarka Bini’aadanimo ee Caalamiga ah ayaa bayaan uu soo saaray ku sheegay in ay jiraan 200 oo baabuur oo kale oo ku sii jeeda Marinka Qasa, kuwaas oo ka soo gudbaya marinka Rafax.
Warrarku waxay intaa ku darayaan in Cisbitaalka Al-Shifa, oo todobaadyadii la soo dhaafay ay ka dhaceen iska horimaadyo rabshado wata iyo qaraxyo xooggan, uu helay 11 ambalaas iyo 3 bas “si ay gacan uga geystaan daad-gureynta dadka dhaawaca ah”.
Bayaanka ayaa lagu sheegay: “Inta ay sii dheeraato xabbad-joojinta, ayaa gargaar bini’aadanimo loo diri doonaa Gaza.”
137 baabuur ayaa galay Gaza Jimcihii, maalintii ugu horreysay ee xabbad joojinta ku meel gaadhka ah ee bini’aadanimo, taas oo socon doonta 4 maalmood sida uu dhigayo heshiiska Xamaas iyo Israa’iil, waxaana ku jira maxaabiista oo la is dhaafsanayo.