Hoggaamiyaha mucaaradka Senegal Ousmane Sonko ayaa lagu soo oogay dacwad ah inuu maleegayay kacdoon iyo dambiyo kale oo cusub, sida uu sheegay dacwad oogaha guud ee dalkaasi.
Ku dhawaaqista ayaa kusoo beegmaysa todobaadyo kadib markii Sonko oo 49-jir ah lagu helay danbi kale oo la xidhiidha dhaqan xumo, waxaana lagu xukumay labo sano oo xadhig ah, tallaabadaasi oo dhalisay rabshado ay dad badan ku dhinteen oo ka dhacay dalkaasi.
Eedeymaha cusub ayaa daba socda xadhiga Sonko – oo xukunkiisa ku dhameystay gurigiisa – si su’aalo looga weydiiyo maxkamad ku taal caasimadda Senegal ee Dakar, Jimcihii.
Abdou Karim Diop, oo ah dacwad oogaha guud ee Senegal, ayaa u sheegay warfidiyeenka eedeymaha cusub ee ka yimid hadaladii uu Sonko sameeyay iyo isu soo baxyo uu qabtay iyo sidoo kale dhacdooyin kale tan iyo 2021, oo ay ku jirto dhacdo ka dhacday gurigiisa ka hor inta aan la xirin Jimcihii.
Marka laga soo tago hurinta kacdoonka, eedeymaha cusub waxaa ka mid ah in ay wax u dhimayaan amniga dowladda, falalka la doonayo in lagu waxyeeleeyo amniga guud iyo abuurista qalalaase siyaasadeed oo halis ah, in lala xiriiriyo dambiyo argagixiso iyo tuugo.