Loolanka Jagada Gudoomiye- kuixgeenka Xisbiga Kulmiye oo meel adag mareysa .
Xisbiga Kulmiye oo kamid ah xisbiyada ugu Muddada dheer Axsaabta siyaaasada Somaliland ayaa bisha soo socota ee 8aad yeelan doona shirweynaha Golaha dhexe oo lagu soo dooranayo Hogaanka ugu sareeya Xisbigaasi oo uu kamid yahay Gudoomiye ku-xigeenka 1aad ee xisbigaasi kadib markii uu jagadaasi wareejiyey Wasiirka Arrimaha Gudaha somaliland oo shirweynaha Golaha dhexe ee xisbiga kula wareegi doona jagada Gudoomiyenimo ee xisbigaasi oo uu ku wareejin doono Madaxweyne Muuse biixi cabdi kaasi oo tan iyo 2010kii soo ahaa gudoomiyaha xisbigaasi kulmiye.
Madaxweyne Muuse Biixi Cabdi oo Guushiisi Doorashada madaxtooyada ee sanadkii 2017-kii cod badan ka helay Beesha Bariga burco oo uu kasoo jeedo wasiir kaahin markan wuxuu Markan gacanta ka saaray Hogaaminta xisbiga Kulmye inkasta oo markii hore uu isaguna kala wareegay Madaxweynihii Hore ee Somaliland Axmed Maxamed Mxamuud “Siiraanyo” oo kasoo jeeda Beesha Bariga Burco .
Jagadan Gudoomiye ku-xigeenka Koowaad ayaa waxaa ku loolamaya Siyaasiyiin Tiro badan oo intooda badan kasoo kala jeeda Gobolada Saaxil iyo Gabiley .